ஐ◄█░Ξ منتدى الرســـالة Ξ░█►ஐ ‏
قصيده ممنوعة لعبدالرحمن الابندوي 718379305

انضم إلى المنتدى ، فالأمر سريع وسهل

ஐ◄█░Ξ منتدى الرســـالة Ξ░█►ஐ ‏
قصيده ممنوعة لعبدالرحمن الابندوي 718379305
ஐ◄█░Ξ منتدى الرســـالة Ξ░█►ஐ ‏
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصيده ممنوعة لعبدالرحمن الابندوي

2 مشترك

اذهب الى الأسفل

قصيده ممنوعة لعبدالرحمن الابندوي Empty قصيده ممنوعة لعبدالرحمن الابندوي

مُساهمة من طرف عبد الخالق فتحى الجمعة مايو 14, 2010 2:36 am

أنا المصري....كريم العنصرين

سليل المخلصين ... المؤمنين
وحامى الأمة في وقت الشدايد
وشقاق السكك للواردين
ودمى ملك ليكم أجمعين
أنا المصري كريم العنصرين

أنا المصري كريم العنصرين
فقدت العقل والصوت والايدين وبعد ما كنت نجده وروح ووقفه
مانيش عارف نسيت دا كله فين
مين اللى سلبني أسمي مين؟؟
أنا المصري كريم العنصرين

وكنت اصرخ اطفي النار بصوتي
ويحيى امتى في الشده ..... موتى
فمين اللى كتب عار في جبيني
ومين اللى سرق شعلة سكوتي
وأنا اللى غنايا صحا العالمين
أنا المصري كريم العنصرين

أنا متباع ...ماهيش عادتك يا وطني
عدو..لعدو .. مين ماقبض شتمني
صبى البقال يتاجر في الضما ير
واحلا عمري ضاع مستني زمني
بقينا بصمتنا الموت متكتفين
أنا المصري كريم العنصرين

كان الوحل..شد الرجل منى
أنوح أبكي وأنا قاصد أغني
وواقفين ع الشطوط بأيادي سودا
محال هيغرقونى غصب عنى
ولو نصبوا فى قلبي ميت كمين
أنا المصري كريم العنصرين

بنيتها من الهرم للسد .. يدي
بنتها كلها ف لحظه تحدى
وكنت زعيم نبيل ما بين جفارا وتيتو وكاسترو ونهرو وغاندى
ومش محتاج أقول أنا كنت مين؟؟
أنا المصري كريم العنصرين

وكان يخطب تصيب الدنيا ربكه
ومن لبنان يعود اسطول أميركا
ولينا في الوجود كلمه ومكانه
واخوة فى الأمل ....دمعه وضحكه
ورقابينا الابيه...مرفوعين
أنا المصري كريم العنصرين

وجونا اللى رمونا...للمهالك
تقول"لاه:يقو لولها وانتي مالك؟؟
تقول لبنان..احبابنا الأعزه
يقولوا يغوروا ...وتغوروا كذلك
نسيت من همي أبقى ازاي حزين
أنا المصري كريم العنصرين

وبعنا كل شىء ينباع ...بدقه
بشفافيه ومن غير إي سرقه
ونظرنا لعلم النهب صرنا
بننهب كل شىء .. لكن برقه
بقينا دكاتره وسط النشالين
أنا المصري كريم العنصرين

زمان كان فيه ملك فاحت روايحه
وثوار جيش بروحهم يومها .. ضحوا
وكان لينا شاءن حتى في الهزيمه
وطن..كان يعجبك جمعه وطرحه
علينا عين..واقي الأمة عين
أنا المصري كريم العنصرين

وعاد تانى الملك يحكم بلاده..
ومن بعد السنين دي ...زاد فساده
وكنا ساده فوق ارض الكنانه
واصبحنا عبيده .....أو عباده
وضاع في الزحمة مشوار السنين
أنا المصري كريم العنصرين

وتانى يا فقير عاد من يخونك
وتتهان في بلادك عيني عينك
ولا الدين مكتفى من مص دمك
ولا عارف ديونهم من ديونك
وجيت للحق؟؟,,كله سلف ودين
أنا المصري كريم العنصرين

وده يسلم لده والعصر فاجر
وتاجر حنت..سلمنا لتاجر
وأم الأمة مصر الإنسانية
بتتآمر..وبتدارى الخناجر
وكنت النجده واستنجد بمين
أنا المصري كريم العنصرين

وكنت اصرخ ..وكان الكل يسمع
أمد الإيد ..عدو الأمة يرجع,
وجاني النطع يأمرني ويشخط
وخلاني بقيت في الحق انطع
أنا إلي كنت اصحي الغفلانين
أنا المصري كريم العنصرين

وكانوا يقولو"مصر"الشمس تطلع
وتعلا رقابنا فوق..وعيوننا تلمع
وكنا نشيل قلوبنا فوق كفوفنا
ويصدرونا نواجه أي مدفع
فمين ساعدنا ع الوضع المهين..؟
أنا المصري كريم العنصرين

وازاي النهارده الدم.عومي
مقلقل صحوتي وساكن في نومي
دمأنا بتشتعل في ارض غزه
ولبنان نارها ماسكه في هدومي
وأنا اللى في الأسى واقف ما بين
أنا المصري كريم العنصرين

ولولا الأنظمة العربية لامت
وفى صفوف العدو حتكون وكانت
ما كان الموت عرف "صيدا" و"بعبدا
ولاكانت قيامه الغدر قامت
ولا قلب العرب بيت حزين
أنا المصري كريم العنصرين

وشوف لبنان بترحل من جنوبها
ونوم الليل.. ما بيعرف جنوبها
سطور النمل زاحفه للملاجئ
وريح الخونه ما هدت هبوبها
ألوف راحلين في قلبي مذعورين
أنا المصري كريم العنصرين

فيا لبنان أنا..م اللى خانوك
يا حزب الله حكامنا باعوك
يا صاحبي..ما عدنا نملك غير هتافنا
هتافنا.مر مالي رقابنا شوك
وعلني..بنفس الفعل المشين
أنا المصري كريم العنصرين

يا نصر الله ده..زمن البياعين
وانت طلعت الأمة منين؟؟
تفكرنا بكل اللى نسيناه
أظنه صعب يصحوا الميتين
وخليتنا الجميع متفرجين
أنا المصري كريم العنصرين

مازال العدو نفس الخبيث
أبونا مات وسابهو ه لنا وريث
ومهما يلف ويدور ..راح يغور
واسأل عندنا بيوت السويس
حلاوة روح..وحياه الحسين
أنا المصري كريم العنصرين

بقت رايتك خلاص رمز لجهادك
بقت رمز المقاومة في بلادك
ولبنان كلها بايته في ضميرك
خلاص صبح الجهاد ماءك وزادك
لغير المسلمين والمسلمين
أنا المصري....كريم العنصرين

بلاد الأمريكان احنا وصهاينة
وصمتي ع اللى حاصل...كله معنى
مازال الحلم لم فارق دمايا
على رغم اللى عاشه طعنه .. طعنه
يا لبنان الكرامة ....لا تلين
أنا المصري كريم العنصرين
عبد الخالق فتحى
عبد الخالق فتحى
الكبير
الكبير

عدد المساهمات : 288
تاريخ التسجيل : 13/02/2010
العمر : 35
الموقع : https://alresala.7olm.org

https://alresala.7olm.org

الرجوع الى أعلى الصفحة اذهب الى الأسفل

قصيده ممنوعة لعبدالرحمن الابندوي Empty رد: قصيده ممنوعة لعبدالرحمن الابندوي

مُساهمة من طرف شمس الدين الجمعة أكتوبر 21, 2011 8:39 am


تحية أستاذ

يا مـبـعــث الآمـــال = يا موئــــل الأجــيال

تـسـمو بك الأوطـــان = و يسـعـد الإنــســــان

**********
عـلــمتــنــا الأخـلاق = جنبـتـــنـا الإخــفاق

أخـــــرجـتــنا للنور = من حـالك الـديـجــور

**********
بجـهــدك الــمـبذول = وعـزمك الموصــــــول

نصبو إلى العــلـياء = مـن دون ما قـعـســاء

**********
تعطي بلا إعــــــراض = من علمـك الـفـيــاض

ودأبــك الإقـــــــدا = والصــبر والإفـــهـام

**********
حيوا معي أستـــاذي = تحــــيـــة الأفــذاذ

إلــهـــنـا يرعــاه = و يرتضــي مــســـعاه

شمس الدين
عضو جديد مووت
عضو جديد مووت

عدد المساهمات : 1
تاريخ التسجيل : 19/10/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى